In pledader da Facebook ha confermà ils disturbis profunds, ed accentuà ch'i na sa tracti betg d'ina attatga da hackers. Tenor la pagina d'internet "Down Detector" èn surtut ils Stadis Unids, il Giapun e parts da l'Europa stads pertutgads da la panna.
Per part han ils disturbis durà pli che 12 uras. Blers utilisaders da Facebook e ses ulteriurs servetschs Instagram e WhatsApp han exprimì lur malcuntentientscha via Twitter.
Nagin plaschair a la bursa
Cura che la Wall Street a New York ha avert la gievgia, han las aczias da la firma fundada da Mark Zuckerberg pers valita. Il curs è sa reducì per 2,42%, sin 169,34 dollars.
RR novitads 10:00