Enstagl da contribuziuns da firmas, medias e gruppaziuns politicas, duajan vegnir mussads dapli cuntegns da famiglia ed amis. Quai ha communitgà il schef da Facebook, Mark Zuckerberg. Da consumar memia bler contribuziuns e videos a moda passiva, saja schlet per ils umans – argumentescha Zuckerberg.
Onns a la lunga ha la pli gronda rait dad online dal mund cun bunamain 2,1 milliardas utilisaders priorisà las communicaziuns, che ha motivà la glieud da far commentaris u da parter contribuziuns. Il pli popular eran il davos videos.
Facebook reagescha sin critica
I ha adina puspè dà critica vers Facebook ed autras medias socialas sco Snap e Twitter. A las raits socialas è vegnì renfatschà da promover la dependenza tar lur utilisaders.
Nus sentin la responsabladad da guardar che noss servetsch na porta betg be spass, ma contribuescha era insatge per il bainstar.
RR novitads 10:00