Suenter lunga e greva malsogna saja il chantadur da la band da punk The Pogues mort en la vegliadetgna da 65 onns. Quai ha sia dunna communitgà via instagram. El è vegnì enconuschent il 1987 cun ses hit «Fairytale of New York», ina chanzun da Nadal davart ina citad en ils Stadis Unids.
Grond talent e problems d'alcohol
Gia baud haja la famiglia da Shane MacGowan scuvrì il talent liric dal chantadur. Pervia da quai ha el survegnì in stipendi per studegiar a la renomada Westminster School a Londra. Gia là è MacGowan crudà en egl ed er sgulà da la scola pervia da possess da drogas. Er suenter ha el adina puspè giu da cumbatter cun problems d'alocohol. Da chasa ha el chatta en la musica da punk.