Siglir tar il cuntegn

Header

Fugitivs da la Siria arrivan sin terrori da la Jordania, ils 14 da schaner 2016.
Legenda: Fugitivs da la Siria arrivan sin terrori da la Jordania, ils 14 da schaner 2016. Keystone
cuntegn

Exteriur Far frunt a la miseria en Siria

Gievgia proxima vul la communitad internaziunala discutar a Londra davart nov agid finanzial per la Siria. En vista a quests discurs pretenda l'organisaziun d'agid «Oxfam» da dublegiar ils meds finanzials.

Ils meds che stettian fin uss a disposiziun na tanschian insumma betg per far frunt a la miseria en la Siria, ha declerà Oxfam. Quai valia era per ils stadis vischinants Libanon e Jordania. La gronda part da las grevezzas che derivian da la guerra en la Siria portian pajais pli povers.

Mintga pajais fa contribuziuns tenor sia forz’economica

Oxfam crititgescha pajais donaturs sco il Katar, l’Arabia Saudita ed ils Stadis Unids: tenor lur forza economica stuessian els contribuir dapli sustegn per la Siria che quai ch’els fan actualmain. Uschia èn radund la mesadad dals daners d’agid vegnids pajads – l’autra mesadad manca.

I dat però er pajais che han contribuì dapli che la quota fixada, sco per exempel il Danemarc (318%), la Norvegia (385%) u la Gronda Britannia (237%).

RR novitads 09:00

Artitgels legids il pli savens

Scrollar a sanestra Scrollar a dretga