Siglir tar il cuntegn

Header

Fugitivs van a pe dasper ina saiv da fildarom.
Legenda: Ils fugitivs na perdan betg la speranza da vegnir da la Frantscha en la Gronda Britannia. Keystone
cuntegn

Exteriur Fastidis pervi da fugitivs en l'Eurotunnel

La Gronda Britannia vul gidar la Frantscha d'impedir che millis fugitivs giajan da Calais anora tras l'Eurotunnel en la Gronda Britannia. Tenor il primminister David Cameron veglian ins per exempel gidar a construir ulteriuras saivs e rinforzar l'engaschament da chauns da polizia.

Cameron ha ditg ch'el veglia telefonar cun il president franzos Francois Hollande.
Dapi emnas emprovan fugitivs ed immigrants d'arrivar tras l'Eurotunnel illegalmain en la Gronda Britannia.

Millis fugitivs vulan entrar en la Gronda Britannia

Motiv èn pliras gruppas da migrants che han empruvà ils ultims dis da traversar l’Eurotunnel, il tunnel tranter la Frantscha e la Gronda Britannia. Gievgia notg han puspè 200 migrants empruvà quai. La polizia ha pudì franar ils fugitivs.

Millis da migrants spetgan anc a Calais sin ina pussaivladad da bandunar la Frantscha. En Gronda Britannia speran els da chattar meglras cundiziuns da viver sco era asil.

RR Novitads 06:00 / 18:00

Artitgels legids il pli savens

Scrollar a sanestra Scrollar a dretga