Il president american Donald Trump ha ludà ses candidat per la dretgira superiura Brett Kavanaugh per sia testimonianza avant il senat american. Quella saja stada «ferma, onesta e captivanta». Precis pervi da quai che Kavanaugh haja mussà, haja el nominà el, scriva Trump sin il servetsch da messadis curts Twitter:
Al giurist vegn renfatschà mulestas sexualas. La strategia dals democrats da evitar sia nominaziun na saja betg gartegiada, scriva Trump.
Avant aveva il senat tadlà ina da pliras dunnas. Ella aveva sincerà che Kavanaugh haja mulestà ella e smanatschà da la mazzar. A Washington sez èsi vegni tar protestas tant d'aderents sco er d'adversaris da Kavanaugh.
La polizia ha arrestà pliras persunas. Da decider ha uss il senat.
RR novitads 06:00
