Il stadi d'inslas Papua Neuguinea è vegnì stremblì dad in terratrembel cun ina fermezza da 7,1. L'epicenter saja stà radund 130 kilometers en il sid-vest da la citad da Rabaul.
Sco quai che l'observatori da terratrembels american communitgescha, saja l'avertiment da tsunami però puspè vegnì revocà. La citad da Rabaul che sa chatta datiers dal vulcan activ Tavavur era pir il 1994 vegnida devastada dad ina vehementa erupziun dal vulcan.
