Ferm terratrembel ha stremblì la Nova Zelanda

Da donns n'è anc nagut enconuschent. Il terratrembel ha gì ina fermezza da 5,7. L'epicenter è stà 100 km avant la costa da l'ost en la mar.

charta da la Nova Zelanda Bild in Lightbox öffnen.

Legenda da maletgs: L'epicenter dal terratrembel era rodund 100km avant la costa da l'ost en la mar. Google Maps

Perfin en la chapitala Wellington, ch'è passa 500 km davent da l'epicenter, han ins anc pudì sentir il terratrembel. Sco la surveglianza da terratrembels GeoNet ha communitgà na datti però nagin privel da tsunami.

Tras in terratrembel cun la fermezza 6,3 eran l'onn 2011 mortas 185 persunas en la citad da Christchurch en l'ost da la Nova Zelanda. Il terratrembel aveva procurà per fitg gronds donns en il center da la segund gronda citad dal pajais.