En la Papua Nova Guinea ha stremblì la terra. Tenor il servetsch seismologic dals Stadis Unids USGS ha il terratrembel gì ina fermezza da 7,6 sin la scala da Richter. Temporarmain hai dà in avertiment da tsunami. Davart donns u unfrendas sin il stadi insular na datti anc naginas indicaziuns uffizialas. L’epicenter saja stà en il nordost dal pajais.
La Papua Nova Guinea sa chatta sin la Tschinta da fieu dal Pacific ch’è tectonicamain la zona la pli activa dal mund.