Legenda:
La fiera da Nadal è vegnida evacuada.
Keystone
cuntegn
Exteriur - Fiera da Nadal duai puspè vegnir averta
Suenter l'alarm da bumba en la citad tudestga Potsdam da venderdi saira tschertga la polizia intensiv la persuna ch'a spedì il pachet. Il champ pertutgà era vegnì evacuà.
Cun intercurir il cuntegn dal pac tschertga la polizia fastizs sin sumegliants cas en l'entir pajais ha ditg il minister da l'intern dal Brandenburg Heinz Schröter. Il pac cuntegneva ina sort murter, bleras guttas, fildarom pulvra e battarias – dentant nagin envidader.
In speditur aveva dà giu il pac en in'apoteca datiers da las chasinas da la fiera da Nadal a Potsdam. Previs è da puspè avrir la fiera oz.
