Exteriur - Fieu destruescha chasa da parcar a Liverpool
A Liverpool è ars ina chasa da parcar che ha plaz per fin 1'600 autos. Tenor ils pumpiers èn tut ils autos parcads devastads, quants vehichels che quai èn n'è anc betg cler. I ha dà nagins blessads.
Las emprimas retschertgas mussan ch'il fieu ha cumenzà en in auto parcà. Il fieu saja lura s'extendì sin ulteriurs autos. Pervi dal fieu grond è ditg giu l'exposiziun internaziunala da chavals che fiss stada gist sper la chasa da parcar.