In incendi da guaud sin l’insla Cipra sa derasà svelt, uschia èn plirs vitgs periclitads al pe da la muntogna da Trados. En la regiun hai il mument temperaturas da fin a 40 grads sco era ina extrema setgira. Per stizzar il fieu èn 9 helicopters en acziun, rapporta in emettur da radio local.
Las lavurs da stizzar vegnan sustegnidas dal Israel e da la Grezia, che han tramess aviuns da stizzar sin l’insla Cipra. Il fieu è tenor indicaziuns dals pumpiers vegni mess per sbagl d’in giuven da 12 onns, rapporta il radio local.
RR novitads 10:00
dpa/hs