La plievgia haja gidà da franar l'incendi desastrus en il nordost da San Francisco, l'uschenumnà «Camp Fire». Quel saja entant per 95% sut controlla. Quai communitgeschan las autoritads localas.
Il dumber d’unfrendas è entant creschì sin 84. Vinavant valan 563 persunas sco sparidas. L'incendi vala sco in dals pli mortals e desastrus en l'istorgia da la California. Enturn la citad Paradise èn vegnidas destruidas passa 13'600 chasas.
RR novitads 11:00