Siglir tar il cuntegn

Exteriur FIFA ha pajà 5 milliuns dollars cumpensaziun a l’Irlanda

La FIFA ha conferma d’avair paja a la federaziun da ballape da l’Irlanda ina cumpensaziun da 5 milliuns dollars per avair manchenta la qualificaziun als campiunadis mundials il 2010.

Thierry Henry cun il gol dad egualisaziun al 1:1.
Legenda: Thierry Henry cun il gol dad egualisaziun al 1:1. Keystone

Il november 2009 era l’Irlanda crudada ora en il gieu da playoff cunter la Frantscha suenter prolungaziun cun 1:1. Il gol dad egualisaziun da la Frantscha tras Thierry Henry n’avess dentant betg dastgar valair, cunquai ch’el aveva fatg il gol irregularmain cun il maun. L’arbiter n’aveva dentant betg vesì quai.

La federaziun da ballape da l’Irlanda aveva alura dumandà adumbatten per ina participaziun als campiunadis mundials en l’Africa dal sid. Sco quai che la FIFA scriva, sajan ils daners vegnids pajads sco emprest per la construcziun d’in stadion.

RR novitads 07:00