Siglir tar il cuntegn

Exteriur Filippinas: I buffa in auter vent

Il president vegnint Rodrigo Duterte vul reintroducir la paina da mort e cumbatter criminalitad e corrupziun cun vehemenza.

Placat electoral.
Legenda: Cun mesiras drasticas vul il nov elegì president Duterte midar la politica da las Filippinas. Keystone

Sin las Filippinas vul il nov president Rodrigo Duterte puspè introducir la paina da mort. Suenter sia entrada en uffizi la fin da zercladur dumondia el il congress da far quai, ha ditg Duterte.

Plinavant dettia el a la polizia il cumond da sajettar sin commembers da bandas criminalas. Er duaja valair in scumond d’alcohol sin plazzas publicas suenter las duas la notg. Uffants na dastgian er betg pli esser per las vias persuls la notg.

Durant ses cumbat electoral aveva Duterte annunzià da cumbatter rigurusamain la criminalitad e la corrupziun. Ses adversaris avevan avertì d’in return ad ina dictatura per cas che Duterte vegniss president.

RR novitads 06:00