Siglir tar il cuntegn

Header

cuntegn

Exteriur Filippinas: Protests pervia da la visita da Donald Trump

Sin las Filippinas ha cumenzà l'inscunter dals pajais sidost-asiatics «Asean». A quel vegn era il president american Donald Trump ad esser preschent sco giast.

En la chapitala Manila èn millis demonstrants ids sin via per protestar cunter la visita da Trump. La polizia ha utilisà chanuns d'aua cunter ils demonstrants. L'ospitant da l'inscunter il schef da stadi filippin Rodrigo Duternte less cunzunt tematisar il terrorissem u er la criminalitad da drogas cun president Trump. Terrorissem pericliteschia la pasch e la stabilitad da l'entira regiun, ha ditg Duterte. Las Filippinas èn la davos staziun da Donald Trump da ses viadi da duas emnas tras l’Asia.

Demonstraziun cunter Trump a Manila.
Legenda: Sin las vias dalla chapitala filippina Manila hai dà demonstraziuns. Keystone

Giubileum da 50 onns

Asesan festivescha quest onn ses 50avel giubileum. A la cuminanza appartegnan diesch stadis, tranter auter la China, la Russia ed igl Giapun.

RR novitads 06:00

Artitgels legids il pli savens