Siglir tar il cuntegn
cuntegn

Exteriur Filippinas: Rodrigo Duterte è nov president

Il favurit dispitaivel ha gudagnà cun grond avantatg las elecziuns presidialas. Duterte cuntanscha 38% da las vuschs suenter che 90% en dumbradas.

portrait da Rodrigo Duterte
Legenda: Rodrigo Duterte è il nov president da las Filippinas e dispitaivel. Keystone

El acceptia il mandat dals votants cun umilitad extrema, ha ditg Duterte. Il minister da l'intern Mar Roxas cuntanscha cun radund 23% las segund bleras vuschs. Sin il terz plaz è la senatura Grace Poe che ha dentant gia concedì la sconfitta.

Plirs activists per dretgs umans sco er il president partent Benigno Qquina han avertì d'in return ad ina dictatura sin las Filippinas per il cas che Duterte vegnia elegì. Duterte ha annunzià da cumbatter rigurusamain la criminalitad e la corrupziun, er senza il consentiment dal parlament.

RR novitads 06:00