Exteriur - Fin a 300 baras vegnan supponidas sin ina deponia en Columbia
En la citad columbiana Medellín ha cumenzà la tschertga da baras ch'èn probablamain sutterradas sin ina deponia da ruments. L'acziun saja in process istoric per ils confamigliars ed er da muntada naziunala, ha ditg il ministeri da l'intern.
La procura publica suppona che radund 90 unfrendas dal conflict armà en il pajais sajan vegnidas sutterradas sin il culm da rument. Organisaziuns per dretgs umans fan schizunt quint cun fin 300 baras.
Durant ils cumbats tranter la gueriglia e l'armada èn 50’000 persunas sparidas ils ultims decennis.