Siglir tar il cuntegn

Header

cuntegn

Exteriur Fin cun la libertad da las medias en Tirchia?

La polizia tirca ha assaglì la redacziun da la gasetta opposiziunal«Zaman» ad Istanbul. Avant la sedia principala da la gasetta ha las forzas da segirtad bittà gas lacrimogen sin demonstrants. Ina dretgira aveva ordinà che la gasetta è sut administraziun fiduziaria.

Tenor la gasetta haja la polizia mess giu cameras da surveglianza en il bajetg per impedir ch'i dettia purtrets da l'acziun. Avant il bajetg èsi vegni per part tar scenas da tumult.

La regenza surpiglia la controlla

Ier suentermezdi aveva l’agentura da novitads statala trica fatg conuschent che la gasetta «Zaman» saja sut administraziun fiduziaria statala. Uschia surpiglia la regenza la controlla sur da la pli gronda gasetta da l’opposiziun dal pajais.

Nagin argumentaziun da la dretgira

La dretgira n’ha uffizialmain betg numna motivs per la decisiun. Sco exponents da la partida regenta han communitgà via il servetsch da novitads curtas Twitter saja quai la paja per il tradiment envers ils stadi Tirc. Per blers observaturs è l’acziun da la polizia ed il stadi Tirc la fin da la libertad da las medias en la Tirchia.

RR novitads 06:00

Artitgels legids il pli savens