Siglir tar il cuntegn

Exteriur Fin da carriera per politichers en Gronda Britannia

L’anteriur minister da l’exteriur da la Gronda Britannia Malcolm Rifkind è sa retratg sco parsura da la cumissiun dals servetschs secrets. Al politicher conservativ vegn rinfatschà d’avair duvrà ses contacts per far gudogns privats.

Malcolm Rifkind cun spievel e cravatta circumdà da fotografs.
Legenda: Malcolm Rifkind è vegnì traplà da schurnalists. Reuters

Reporters avevan mess ina trapla a Rifkind e ditg ch’els sajan ina firma chinaisa che veglia investir en la Gronda Britannia. Alura aveva Rifkind fatg amogna contacts politics cunter daners.

Sper Rifkind aveva para er il politicher Jack Straw da la partida Labour, fatg amogna da dar infurmaziuns cunter daners.

RR novitads 17:00