Tenor la Deutsche Bahn curseschan ils trens a distanza IC ed ICE pir a partir da sonda tenor l'urari regular. Ils trens regiunals perencunter curseschan gia davent da damaun tenor urari. Per la clientella che viagiescha da la Svizra vers Germania vala anc l'urari provisoric.
Il sindicat GDL ha communitgà che la chauma saja uffizialmain a fin questa saira las 19:00. Durant il temp da mediaziun tranter ils 27 da matg ed ils 17 da zercladur vala in cumond da pasch, scrivan las agenturas.
2 mediaturs externs
Per chattar ina schliaziun en la dispita da tariffas che dura gia intgins mais èn vegnids nominads dus mediaturs. Per la Deutsche Bahn Matthias Platzeck (SPD), l'anteriur primminister dal Brandenburg e per il sindicat Bodo Ramelow (Linke) schef da regenza da Thüringen.
RR novitads 07:30