La Germania prolunghescha e rinforzescha las mesiras da corona enfin mez favrer. Quai ha decis la chanceliera Angela Merkel ed ils primministers dals bundesländer suenter ina debatta da set uras. Scolas e butias restan serradas ed ins dastga be s’inscuntrar cun ina suletta persuna che na viva betg en il medem perchasa.
Da nov ston en il traffic public e butias vegnir purtadas mascrinas medicinalas. Mascras da taila n’èn betg pli lubidas.
