Siglir tar il cuntegn

Header

cuntegn

Fin per «Clean Power Plan» 22 stadis cumbattan politica da charvun da Trump

  • 22 stadis federativs americans e set citads cumbattan la politica d'energia da Donald Trump
  • Il mardi han els inoltrà in plant cunter la regenza americana

Il plant sa drizzia cunter il plan dal president american da remplazzar l'uschenumnà «Clean Power Plan» da ses antecessur Barack Obama, scriva l'agentura da novitads svizra SDA. Trump vul remplazzar il plan dad Obama cun ina nova regla cun il titel «Affordable Clean Energy» (ACE, energia netta pajabla).

Politica da clima da Trump

Personen-Box aufklappenPersonen-Box zuklappen

En ses cumbat electoral ha Trump empermess da salvar l'industria da charvun. Adina puspè ha el exprimì ses dubis vid la midada dal clima. Il zercladur 2017 ha el annunzià ch'ils Stadis Unids sortian da la cunvegna da clima da Paris.

Trump veglia introducir in'alternativa senza «dents» ha ditg il minister da giustia da la California, Xavier Becerra. Il guvernatur democratic da la California, Gavin Newsom, renfatscha al president da negliger la proxima generaziuncun sia politica da clima.

Il «Clean Power Plan»

Personen-Box aufklappenPersonen-Box zuklappen

Il 2015 ha Barack Obama mess en vigur il «Clean Power Plan». Quel promova energias regenerablas sco er la producziun d'energia cun gas. Per las ovras da charvun en ils Stadis Unids èn vegnidas fixadas limitas unifitgadas e naziunalas.

Il 2016 ha dentant il tribunal suprem mess ord vigur las prescripziuns. Curt suenter avair cumenzà l'uffizi ha la regenza Trump dismess definitiv questas.

Il plant è vegnì inoltrà a la dretgia d'appellaziun a Washington, pudess dentant pli tard er vegnir avant il tribunal suprem.

RR novitads 06:00