Il concern d'internet Google sto pajar suenter taglia en la Gronda Britannia. Tenor in pledader da Google saja il concern sa cunvegnì cun las autoritads fiscalas sin ina summa da radund 190 milliuns francs. Il pajament pertutgia ils ultims 10 onns.
Fin uss avevi Google transferì la gronda part da ses gudogn en l'Europa sur l'Irlanda sin las Bermudas ed uschia strusch pajà taglia.
En vista al gudogn e la svieuta dal concern saja quest pajament anc adina memia pauc, crititgeschan experts da taglia en il parlament britannic. Tenor els stuess Google pajar suenter radund 290 milliuns francs.
RR novitads 09:00