Siglir tar il cuntegn

Header

La Lufthansa ed il sindicat dispitan dapi 2 onns pervi da la prevenziun per la vegliadetgna da 19’000 flight attendants.
Legenda: La Lufthansa ed il sindicat dispitan dapi 2 onns pervi da la prevenziun per la vegliadetgna da 19’000 flight attendants. Keystone
cuntegn

Exteriur Flight attendants da Lufthansa fan chauma

Il persunal da cabina da la Lufthansa cumenza il venderdi suentermezdi ina chauma. Pertutgads sajan tut ils sgols tranter las 14:00 e las 23:00 che partan da Frankfurt e da Düsseldorf, ha communitgà il sindicat dal persunal da cabina Ufo.

La sonda saja da quintar cun ulteriuras acziuns da chauma. Sche la Lufthansa na sa mussia betg averta, lura cuntinueschian las chaumas fin venderdi, ils 13 da november. La dumengia na vegnian ins betg a far chauma, perquai che surtut viagiaturs privats fissan pertutgads.

290 sgols èn stritgads, 37'000 passagiers pertutgads

La Lufthansa ha stritgà 290 sgols il prim di da la chauma dals flight attendants, tranter quels 15 colliaziuns intercontinentalas. Tenor la societad aviatica sajan passa 37’000 passagiers a Frankfurt e Düsseldorf pertutgads.

La Lufthansa crititgescha il sindicat Ufo pervi da la tactica da chauma d'inditgar lieu e temp mo a curta vista. Uschia saja bler pli grev d'infurmar la clientella ad uras e d'offrir pussaivladads alternativas.

RR novitads 10:00 / 12:00

Dapli da Exteriuravrir la Landingpage

Nach links scrollen Nach rechts scrollen