Siglir tar il cuntegn

Header

cuntegn

Exteriur Flommas en il Katar - almain 11 morts

D'in incendi catastrofal en in alloschi da lavurers en il Katar èn mortas almain 11 persunas. Tenor la regenza sajan ulteriuras 12 persunas sa blessadas. Entant sajan las flommas sut controlla. En il champ vivevan lavurers da l'exteriur.

Fin uss n’èsi anc betg cler daco che l’alloschi en la chapitala Doha ha brischà la gievgia. En il champ abitavan lavurers da l’exteriur che lavuravan sin in plazzal nua ch’i vegn bajegia vid in project turistic.

En il ritg Emirat da Katar vivan tschientmillis lavurers esters. Activists da dretgs umans e sindicats internaziunals planschan adina puspè che lavurers vegnian nizzegiads ora en il Katar, cunzunt er en vista al campiunadi mundial da ballape il 2022. La regenza fa entant attent ch'il tractament dals lavurers saja vegnì meglierà.

En il Katar vegni actualmain bajegià en set citads, en las qualas totalmain 260’000 lavurers duain vegnir mess sut tetg.

RR novitads 06:00

Artitgels legids il pli savens