Siglir tar il cuntegn

Header

Il secretari general da l'ONU, Ban Ki Moon.
Legenda: Ban Ki Moon discurra «d'atrocitads» che capitan en las citads sirianas bloccadas. Keystone
cuntegn

Exteriur «Fomentar è in crim da guerra»

Per millis abitants da citads sirianas bloccadas daventa la situaziun mintga di pli e pli precara. Perquai che meds d’agid na cuntanschan strusch lur destinaziun en il pajais cun guerra civila, sto la diplomazia prender a maun la chaussa: il secretari general cloma ensemen il Cussegl da segirezza.

Cun ferms pleds a il secretari general da l'ONU Ban Ki Moon crititgà la situaziun en las citads bloccadas en la Siria. Da laschar murir da la fom umans sapientivamain saja in crim da guerra, ha ditg Ban. Il dretg internaziunal scumondia talas acziuns terriblas.

Agid n'è anc betg arrivà dapertut

En vista a la situaziun precara en Siria vul il Cussegl da segirezza da l'ONU a New York discutar en ina seduta d'urgenza organisada a curta vista, co ils var 400'000 pertutgads en la Siria pon survegnir meglier agid.

10 per tschient dals pertutgads en Siria vivan en la citad Madaja ch’è bloccada da truppas da la regenza. La gievgia eran arrivadas a Madaja ulteriuras furniziuns d’agid per ils fomentads. Anc da survegnir agid han ils lieus Kefraja e Fua en il nord da la Siria. Omadus èn dapi l’avrigl da l’onn passà sut controlla da rebels, communitgescha il Comité internaziunal da la Crusch Cotschna.

RR novitads 06:00

Artitgels legids il pli savens

Scrollar a sanestra Scrollar a dretga