Siglir tar il cuntegn

Header

cuntegn

Exteriur Fond statal da Norvegia vul accusar VW

Il pli grond fond statal dal mund, quel da la Norvegia, vul purtar plant cunter VW en connex cun il scandal da svapur. Las sperditas da VW han er gì influenza sin il fond statal norvegiais, cunquai che lez posseda aczias dal concern tudestg.

Il fond statal da la Norvegia vul purtar plant encunter il concern da Volkswagen. Quai en connex cun las manipulaziuns da las valurs da svapur. Ina pledadra dal fond ha confermà in rapport correspundent da la gasetta «Financial Times».

La Norvegia posseda grazia a quest fond statal participaziuns da radund 9’000 interpresas en l’entir mund. Perquai che l’aczia da VW è sfundrada pervi dal scandal ha er il fond statal norvegiais fatg perditas. I sa tracta dal pli grond fond statal dal mund.

Situaziun nunclera en Corea dal Sid

Il ministeri da l'ambient a Seoul aveva annunzià da purtar plant cunter il schef local da VW. Il november passà aveva la Corea dal Sid sentenzià VW da pajar in chasti da radund 11 milliuns euros.

RR novitads 10:00

Artitgels legids il pli savens