Tenor la regenza n'èn quels betg vegnids donnegiads tar ils incendis en la provinza Alberta. Ins stoppia dentant anc controllar las pipelines ed il provediment d'electricitad. Fertant che las lingias sutterranas na sajan probabel betg donnegiadas, sajan las bleras lingias d'electricitad sur terra luadas. Er il transport dals lavurers stoppiar esser garantì avant che cumenzar cun la lavur.
Incendis sin ina surfatscha correspundenta al chantun Zug
Ils incendis da guaud en la provinza d'Alberta che han destruì passa 2400 bajetgs e stgatschà 90-milli persunas èn sa derasads sur ina surfatscha da 229 kilometers quadrat. Quai correspunda a la surfatscha dal chantun Zug. La dimensiun da la destrucziun a Fort McMurray è però crudada ora marcantamain pli pitschna che temì.
Tenor las ultimas infurmaziuns èn stads èn acziun passa 1500 pumpiers, 120 helicopters e var 30 camiuns da stizzar. Dals 25 fieus en la provinza n`era in anc betg sut controlla.
RR novitads 09:00