Siglir tar il cuntegn

Header

Navigaziun

Purtret da protestas en il Sudan.
Legenda: L'armada ha surpiglià la pussanza en il Sudan. Il president è vegnì arrestà. Keystone
cuntegn

Exteriur Forzas armadas surpiglian pussanza en Sudan

Il president dal Sudan, Omar Hasan al-Bashir ha demissiunà. L'armada ha surpiglià la pussanza en il pajais, ha declerà il minister da defensiun Awad Ibn Auf. I duai dar ina regenza transitorica da dus onns, suenter quella duai dar elecziuns.

Ibn ch'è er vicepresident, ha dacurt declerà il stadi d'urgenza per trais mais. Il president Omar Hasan al-Bashir saja vegnì arrestà e saja en in lieu segir. La populaziun dal Sudan haja patì ferm sut il timun dal reschim. Quel haja adina ditg manzegnas e fatg empermischuns falladas.

Dapi plirs mais demonstreschan millis da persunas cunter la politica da Al-Baschir. El ha regì il pajais en il nordost da l'Africa per passa trais decennis. Il Sudan patescha gia dapi in temp sut ina greva crisa economica.

RR novitads 12:00