La fotografia d'in uffant da fugitivs bragint al cunfin dals Stadis Unids è la fotografia da la pressa mundiala da l'onn 2018. Il fotograf american John Moore haja gudagnà la concurrenza World Press Photo, ha communitgà la giuria ad Amsterdam.
Moore ha fotografà la scena il zercladur da l'onn passà en il stadi american Texas. Ina giuvna dunna da Honduras che ha vulì dumandar asil en ils Stadis Unids è vegnida pigliada al cunfin. Durant che la mattetta crida, vegn la mamma intercurrida.
RR novitads 06:00
