Atgnamain ha il concern d'astronautica american privat SpaceX vulì testar il glindesdi la pli gronda e ferma racheta dal mund. Il davos mument han ins dentant stuì annullar l’emprim sgol da test.
In ventil saja schelà, ha inditgà il fundatur da SpaceX Elon Musk sco raschun. In proxim test possian ins far sin il pli baud en 48 uras.
La racheta da 120 meters cun il num «Starship» duai en l'avegnir pussibilitar missiuns spazialas equipadas en direcziun glina e mars. Ed i duai esser pussaivel da duvrar la racheta pliras giadas.