Siglir tar il cuntegn

Header

cuntegn

Franà pajaments Mastercard e Visa na pajan nagins daners pli a Pornhub

Ils servetschs da pajaments Mastercard e Visa na pajan per il mument nagins daners pli a la plattafurma online da pornos - Pornhub. Raschun èn renfatschas ch'ins chattia videos cun pornografia d'uffants e da violaziuns sin la plattafurma. Da quai aveva la gasetta «New York Times» rapportà. Cun franar ils pajaments, reageschan las duas firmas sin il rapport che blers dals 6,8 milliuns novs videos mussian abus d'uffants e sex betg en consentiment. Suenter las revelaziuns da la gasetta, hajan las duas firmas instradà atgnas examinaziuns en chaussa. Tar Mastercard è la decisiun definitiva, Visa n'è anc betg a fin cun las examinaziuns.

Pornhub renfusa las rinfatschas e numna la decissiun extrem dischillusiunanta. Els hajan dacurt preschentà pliras mesiras co reagir sin quests cuntegns illegals.

Ord l'archiv

Tge è pedofilia insumma? Ina malsogna u ina disposiziun sexuala?

video
Pedofilia - Tge è quai insumma?
Or da RTR Social dals 16.10.2020.
laschar ir

RTR novitads 08:00

Artitgels legids il pli savens

Scrollar a sanestra Scrollar a dretga