Atgnamain eri previs da realisar ina midada constituziunala suenter las attatgas da Paris cun 130 morts. Oriundamain vuleva Hollande far che persunas cun naziunalitad dubl stoppian dar giu il dretg da burgais franzos en cas d'ina accusaziun.
Assamblea vul lescha pli rigurusa
L'assamblea naziunala ha sinaquai decis da retrair il dretg da burgais er a persunas che n'han betg in dretg da burgais dubel. Uschia avess i teoreticamain dà persunas senza naziunalitad. Suenter in virivari tranter assamblea e senat è Hollande vegnì a la conclusiun che las duas chombras parlamentarias na possian betg sa cunvegnir. Perquai ha el laschà crudar la midada constituziunala.
Ils virivaris en detagl:
- november 2015: suenter ils attentats annunzia Hollande la midada da la constituziun
- schaner 2016: il cabinet approvescha questa refurma da la constituziun
- favrer 2016: l'assamblea federala di gea a la refurma, vul dentant extender la lescha sin persunas che possedan mo 1 dretg da burgais
- mars 2016: il senat fa opposiziun e vul restrenscher la lescha sin persunas cun naziunalitad dubla
- fin mars 2016: il president François Hollande tira enavos la midada da la constituziun perquai che las partidas na vegnan betg perina
RR novitads 14:00