Radund 11'500 policists han protegì la parada militara sin ils Champs-Elysées.
Legenda:
Il Champs Elysees cun l'Arc de Triomphe durant la parada militara.
Keystone
Il president franzos François Hollande ha observà durant in'ura la parada - cun pli che 3'200 schuldads, cun chavagls, 212 vehichels ed a pe, cun passa 80 aviuns e helicopters.
La Frantscha ha festivà cun differents schefs da stadis ed auters osps d'honur. Tranter els il minister da l'exteriur american John Kerry ed il primminister da la Nova Zelanda, John Key.
A Paris van las festivitads lura a fin cun in concert ed in grond fieu artificial amez la citad.
Cun la parada militara vegn regurdà mintg'onn a la conquista da la praschun Bastille che vala sco cumenzament da la revoluziun franzosa l'onn 1789.
RR novitads 14:00