Suenter che l'agentura Fitch ha mess gì la dignitad da credit da la Frantscha, respunda il minister da finanzas franzos. Ils fatgs cuntradian a la valitaziun da l'agentura. La Frantscha vegnia a cuntinuar cun ses curs da refurmas.
Sbassà il rating
L'agentura da rating Fitch ha sbassà la dignitad da credit da la Frantscha per in stgalim. I dettia in'eventuala stagnaziun politica en il pajais, ha Fitch communitgà. Plinavant sajan ils moviments socials actuals, per exempel cunter la refurma da rentas, ristgs per l'agenda da refurma dal president Emmanuel Macron. Per l'economia franzosa prognostitgescha Fitch per l'onn current anc ina creschientscha da 0,8 pertschient, quai suenter che l'agentura da rating aveva prognostitgà il november anc ina creschientscha dad 1,1 pertschient.
