Frantscha: Anteriur primminister Michel Rocard è mort

Quai en la vegliadetgna dad 85 onns en in spital a Paris. La raschun da la mort n’è anc betg enconuschenta.

Politicher franzos. Bild in Lightbox öffnen.

Legenda da maletgs: L'anteriur primminister franzos Michel Rocard è mort. Keystone

L’anteriur primminister franzos Michel Rocard è mort. El saja mort oz en la vegliadetgna da 85 onns en in spital a Paris, ha ditg ses figl a l’agentura da novitads AFP. La raschun da la mort n’è anc betg enconuschenta.

Il president franzos François Hollande ha undrà ses collega da partida sco persunificaziun d’in socialissem ch’haja concilià utopia cun modernitad. Il socialist Rocard è stà schef da regenza da minoritad dal 1988 fin il 1991 en Frantscha.

Adina puspè hai dà tensiuns cun il president François Miterrand. En consequenza è Michel Rocard sa retratg il matg 1991 da ses uffizi.

RR novitads 21:00