La Frantscha vul augmentar ses agid als pajais en svilup per 4 milliardas euros. Quai ha empermess il president franzos François Hollande a l'inscunter da l'ONU davart la persistenza a New York. Uschia investescha la Frantscha a partir dal 2020 12 milliardas euros en l'agid al svilup.
Co ils daners duain vegnir repartids tranter il cumbat da la povradad ed il cumbat cunter la midada dal clima n'ha Hollande betg explitgà.
A l'inscunter avevan ils stadis commembers da l'ONU tranter auter fixà la finamira da surventscher fom e miseria fin il 2030.
RR novitad 09:00
sda/hs