Siglir tar il cuntegn

Header

aviuns da cumbat
Legenda: La Frantscha bumbardescha posts dal SI en Siria. Keystone/ECPAD
cuntegn

Exteriur Frantscha bumbardescha SI en Siria

L'aviatica militara franzosa ha sgulà dumengia saira attatgas intensivas en la Siria. Il ministeri da defensiun franzos ha communitgà che 10 aviuns da cumbat franzos hajan attatgà la gruppa da terror Stadi Islamic en la citad da Al-Rakka.

Ils aviuns hajan laschà crudar 20 bumbas. Ellas hajan destruì in post da commando dal SI cun in champ d’armas e muniziun, sco er in champ d’instrucziun per terrorists. En ina decleraziun anc betg verifitgada, aveva il SI declerà d’avair organisà las attatgas a Paris.

Avant las eran ils ministers da defensiun da la Frantscha e dals Stadis Unids sa cunvegnids d'approfundar la collavuraziun per cumbatter la gruppa da terror. Ed els avevan decidì mesiras concretas.

RR novitads 6:00

Dapli da Exteriuravrir la Landingpage

Nach links scrollen Nach rechts scrollen