Siglir tar il cuntegn

Header

Il president franzos François Hollande ha inaugurà ina tavla davant il Stade de France.
Legenda: Il president franzos François Hollande ha inaugurà ina tavla davant il Stade de France. Keystone
cuntegn

Exteriur Frantscha commemorescha unfrendas d'attentat

In onn suenter il grev attentat a Paris stat la citad salda e sa regorda dals acts da terrur. Il president François Hollande ha inaugurà ina tavla commemorativa al Stade de France a Paris.

Davant il Stade de France era mort in passant suenter che trais attentaders eran sa siglientads en l'aria durant il gieu da ballape tranter la Frantscha e la Germania. Pliras persunas eran sa blessadas. Sin la tavla che Hollande ha inaugurà è scrit il num dal um ch'era mort en quest lieu.

Tavlas davant trais bars, in restaurant ed il Bataclan

En il decurs da l'avantmezdi duain vegnir inauguradas sumegliantas tavlas commemorativas a Paris, tranter auter en la sala da concert Bataclan, nua che 90 persunas eran vegnidas mazzadas. Ultra da quai èsi planisà per oz in servetsch divin en la catedrala Notre Dame a Paris.

RR novitads 10:00