Exteriur - Frantscha dat dapli cumpetenzas al servetsch secret
Ils servetschs secrets da la Frantscha duain survegnir dapli cumpetenzas tar la surveglianza da discurs da telefon e la communicaziun en l'internet. Suenter il senat ha er la chombra dals deputads ditg gea a la nova lescha dal servetsch secret.
La regenza aveva argumentà la lescha cun il fatg ch'i dovria ina surveglianza pli rigurusa da suspectads per evitar il terrorissen. Bernard Cazeneuve ha accentuà che quai n'haja da far nagut cun la pratica da tadlar giu dal servetsch secret american NSA. Adversaris da la lescha teman in sistem da la surveglianza en massa. Els critigeschan surtut la valitaziun automatica da las datas.
