Siglir tar il cuntegn
cuntegn

Exteriur Frantscha defenda sia politica d'asil

En Frantscha defenda il minister da l'intern la politica d'asil franzosa. I saja dretg europeic da trametter enavos ils fugitivs en l'Italia, ha ditg il minister da l'intern Bernard Cazeneuve.

Il minister da l'exteriur franzos pleda
Legenda: Bernard Cazeneuve, il minister da l'intern franzos defenda politica d'asil. Keystone

Tenor las reglas Dublin 2 stoppian las dumondas d'asil vegnir tractadas là, nua ch'il fugitiv saja entrà sin territori da l'Uniun europeica. Dapi plirs dis èn staziunads policists franzos al cunfin franzos-talian sper Nizza ed impedeschan che fugitivs vegnian da l'Italia en Frantscha.

La regenza taliana prova gia dapi in temp da midar las reglas e sa senta tralaschada en vista a las undas da migrants che vegnan sur la Mar Mediterrana. Il minister da l'intern talian Angelino Alfano ha titulà la situaziun sco in pugn en la fatscha da l'Europa.

RR novitads 14:00