Exteriur - Frantscha dovra portaviuns en il cumbat cunter il Stadi islamic
En il cumbat cunter la milissa terroristica Stadi islamic dovra la Frantscha ils portaviuns «Charles de Gaulle». La basa da cumbat sin l'aua saja vegnida integrada glindesdi en il nord da l'Irac, quai rapporta la gasetta «Le Parisien» sa basond sin la regenza.
L'aviatica franzosa sgola gia dapi il settember passà attatgas cunter il Stadi islamic. Il portaviuns «Charles de Gaulle» ch'è era equipà cun armas atomaras, è arrivà ils 15 da favrer en il Golf da la Persia. El ha 21 aviuns da cumbat a bord, latiers in aviun da radar e 4 helicopters.
