Siglir tar il cuntegn
Inhalt

Exteriur Frantscha: Er il senat vul prolungar il stadi d'urgenza

Suenter l'assamblea naziunala è era il senat d'accord da prolungar il stadi d'urgenza. Ils dretgs spezials per las autoritads restan uschia en vigur fin l'entchatta dal 2017. Il senat vul dentant er anc schlargiar las cumpetenzas da las autoritads.

Trais policists en nair che controlleschan in auto.
Legenda: Policists franzos che fan controllas extendidas - qua a chaschun dal campiunadi europeic da ballape. Keystone

Cun quai n'è la proposta dal senat betg identica cun il sboz da lescha da l'assamblea naziunala. La prolungaziun dal stadi d'urgenza n'è perquai il mument anc betg approvada.

Ussa duai ina cumissiun da mediaziun tschertgar in cumpromiss tranter il senat e l'assamblea naziunala. Il stadi d'urgenza era vegnì proclamà suenter ils attentats da Paris dal november passà.

Ils parlamentaris franzos èn uss sut squitsch da temp. Il stadi d'urgenza ch'era vegnì proclamà suenter las attatgas a Paris vala numnadamain be fin ils 26 da fanadur.

RR novitads 06:00