La procura publica ha confermà in rapport da la gasetta «Le Parisien». I va per la dumonda, sche Macron ha dà en correct tgi che ha sustegnì el quant fitg durant ses cumbat electoral.
En egl ha la procura statala spezialmain la firma da cussegliaziun internaziunala McKinsey. I vegn intercurì sche Macron ha profità en moda betg lubida da McKinsey, e sch'el ha promovì McKinsey en moda betg lubida.
La Frantscha dat avant ina tscherta limita d'expensas per candidatas e candidats per la presidenza. Las expensas dovran ils candidats en regla per gidanters e gidantras e per reclama. Perquai datti adina puspè renfatschas che candidats e candidatas zuppian expensas.