La Frantscha renconuscha las consequenzas da ses tests nuclears en la Polinesia Franzosa. En in pled en la chapitala Papeete ha il president franzos François Hollande ditg ch'ils tests dals onns 1966 fin il 1996 haja influenzà l'ambient e gì consequenzas per la sanadad.
Tuttina nagina perstgisa
Il president franzos n'è dentant betg s'exculpà per l'agir da la Frantscha. Ils abitants da la Polinesia Franzosa planschan dapi onns dals effects sco leuchemia ed autras furmas da cancer. Il ministeri da defensiun enumerescha passa in tozzel incaps durant ils tests, nua che radioactivitad è vegnida libra.
RR novitads 07:00