Siglir tar il cuntegn

Header

cuntegn

Exteriur Frantscha pretenda reacziun sin violenza en Burundi

La Frantscha pretenda ina reacziun da la communitad internaziunala sin la violenza en il Burundi. Ella ha inoltrà in sboz per ina resoluziun correspundenta al cussegl da segirtad da las Naziuns Unidas.

En il text pretenda la Frantscha ina fin immediata dals cumbats en il Burundi. Tranter auter prevesa il sboz per la resoluziun sancziuns definidas cunter ils responsabels per la violenza e cunter quels ch’impedeschan in dialog tranter la regenza e l’opposiziun.

Candidatura per terza perioda aveva provocà la crisa

La crisa en il stadi Burundi en l’Africa da l’Ost aveva cumenzà l’avrigl, cura ch’il president actual Pierre Nkurunziza aveva annunzià da vulair candidar per ina terza perioda d’uffizi; quai n’è dentant betg previs en la constituziun.

Crisa cun 200 unfrendas e 200’000 fugitivs

Tenor indicaziuns d’organisaziuns per ils dretgs umans independentas èn radund 200 persunas mortas e 200’000 persunas fugidas ord il pajais.

RR novitads 06:00

Artitgels legids il pli savens