Siglir tar il cuntegn
Inhalt

Exteriur Frantscha prolunghescha il stadi d'urgenza

Suenter l'attatga a Nizza ha l'assamblea naziunala vuschà per ina prolungaziun dal stadi d'urgenza da sis mais. Quai tenor rapports da medias.

Forzas da segirezza durant il campiunadi europeic da ballape en Frantscha.
Legenda: Forzas da segirezza durant il campiunadi europeic da ballape en Frantscha. Keystone

Ils dretgs spezials per las autoritads restan uschia en vigur fin a l'entschatta dal 2017. La regenza aveva proponì da prolungar il stadi d'urgenza per 3 mais. Ma suenter ha ella acceptà la pretensiun dals conservativs da prolungar il stadi d'urgenza per sis mais.

Igl è dir da dir quai, ma igl è mes duair: I vegn a dar ulteriuras attatgas... Nus na dastgain betg s'endisar vi da questa smanatscha, ma nus stuain emprender da viver cun ella.
Autur: Manuel Vallsprimminister da la Frantscha

Cun la lescha pon las autoritads tranter auter decider da far arrests da chasa senza il decret d'in derschader. Il senat sto anc approvar questa decisiun. El discuta mesemna da quai. En il senat vulan ils conservativs anc rinforzar pli fitg il stadi d'urgenza.

Il stadi d'urgenza era vegnì proclamà suenter las attatgas dal november 2015 a Paris ed è gia vegnì prolungà 3 giadas dapi lu.

RR novitads 06:00