Er en la metropola da Paris è il traffic public stà impedì cun excepziuns da paucas lingias. Per la fin d’emna vegn quintà che la situaziun sa normalisescha. Protestà cunter la refurma da rentas dal president franzos Emmanuel Macron vegn gia dapi trais emnas. Tenor la societad da viafier statala - SNCF curseschan per vi da las chaumas - mo circa in terz da tut ils trens d'auta spertadad - TGV. Enfin uss muntian las protestas ad ina perdita da 400 milliuns euros, uschia ha ditg il schef da SNCF.
Ils 7 da schaner quinta la regenza da seser ensemen cun ils partenaris socials per chattar ina soluziun.
Chauma er a l'opera da Paris
Durant l'emna da Nadal èn pliras represchentaziuns vegnidas stritgadas. La saira da Nadal han sautunzas mussà avant l'opera scenas dal ballet Schwanensee - per uschia protestar cunter la refurma da rentas, quai rapporta il radio «France-info».
RR novitads 15:00