Siglir tar il cuntegn
Inhalt

Exteriur Frantscha sa prepara sin fin d'emna da festa

La Frantscha sa prepara gist sin dus eveniments gronds ch'èn questa fin d'emna: Il final dal campiunadi mundial da ballape e il di naziunal. Il pajais mobilisescha perquai passa 110'000 policists e pumpiers.

Purtret da policists franzos.
Legenda: La Frantscha spetga questa fin d'emna gist dus eveniments gronds. Keystone

Ils policists e pumpiers duain survegliar e procurar per la segirezza durant ch'il gieu tranter ils Franzos ed ils Croats vegn emess la dumengia saira. Be a Paris vegni quintà che 90'000 fans guardan la partida en las tendas grondas dasper la Tur d'Eiffel.

Las forzas da segirezza duain dentant er segirar la parada militara per il di naziunal dals 14 da fanadur ch'è oz. I vegnia fatg tut per ch'ils Franzos possian festivar endretg. Quai malgrà las smanatschas d'attatgas che sajan anc adina grondas, communitgescha il ministeri da l'intern franzos. Dapli persunal na saja betg pussaivel da mobilisar.

Oz, il di naziunal èsi exact dus onns ch'in attentader era charrà cun in camiun en in fulla da persunas a Nizza ed aveva mazzà 86 persunas.

RR novitads 06:00